بعدك اقول ي بابا لمين" كلمات /محمد سعيد
مشيت خلاص وسبتني
ي ابويا ي اعز من كل حاجه ف الدنيا
مهانش عليك يطول مرضك
عشان مكسوف ل تتعبني
هقول بعدك ي بابا لمين
وهحضن مين و ناا مسافر
ناا مؤمن بقدر الله
لكن وجع الفراق كافر
سرقنا الوقت يا حبيبي
محدش بص ف الساعه
قالولي مت قولتلهم
اكيد خبر الوفاه اشاعه
اكيد مقلب و بيهزر
ابويا ناا عارفه ي جماعه
فيه ناس بتقولي تصريح دفن
وناس سالتني امتي عزاه
وناس عاملين عزا وواقفين
وبيقولوا البقاء لله
و ناا واقف ف وسطيهم
ف صدمه كاني عيل تاه
عزاك ع اخر ناس وصحاب
وجم كل اللي عارفينك
ياريتك جنبي دلوقتي
تشوف الحب ده بعينك
ناا عارف بان الموت
قدر مفهوش شفاعه ووقف
لكن كل اما اخش البيت
بحس بانه من غير سقف
ده ناا قلبي انقسم نصين
و ناا واقف قصاد القبر
لكن رب الوجع و الموت
خلق برضو الثبات و الصبر
اكيد انت في مكان احسن
اكيد دلوقتي بس ارتاحت
مكانك فوق من الاول
ملكش مكان اساساا تحت
هنتقابل ومستني
لقانا ف الحياة الجايه
يارب تكون رضيت عني
يارب تكون فخور بيا ♥️
تعليقات
إرسال تعليق