حوار مع الكاتب الشاب حازم محمد
كتبت: مريم رفعت
١-عرفنا بنفسك؟
حازم محمد عطية
٢٤ عام، خريج كلية تجارة عام ٢٠٢٠
مشروع كاتب روائي شاب
٢-امتى بدأت كتابة؟ وهل لقيت الدعم من احد؟
بدأت كتابه من سبع سنوات تقريبًا، تحديدًا عام ٢٠١٦.
كانت مجرد خواطر واسكربتات بالعامية المصرية، ومن بعد بدأت كتابة الرواية الكاملة من ٢٠١٩ تحديدًا بالفصحى سردًا وحوارً.
٣-وهل لقيت الدعم من احد؟
دعم؟؟
في بداية كتابتي انا كنت بقابل هجوم وتنمر بس على إللي بعمله من الصحاب أو العامة، فمكنش فيه دعم بالنسبة ليا حتى من اهلي، إللي لسه عارفين من سنة واحده إني بكتب.
لكن فيما بعد وجدت دعم كبير من ناس كتير
٤-ايه اول قصة كتبتها؟
اول اسكربت كتبته بإسم ( واتقبلنا صدفه)
اول قصة قصيرة كانت باسم ( الأرجوز الحزين)
اول رواية كانت ب اسم ( ذكريات مشتته)
٥-كيف تواجه الانتقادات وهل تعرضت لنقد قوى من قبل؟
احمممم
هبدء بالجزء التان من السؤال، قابلت انتقادات قبل كده؟.
هو انا في البداية لم بدأت انزل كتابتي على الجروبات المختصة بالكتابة على الفيس بوك، النقد مكنش بينتهي لحد كتاباتي بس؟
لاء هو كان بيتعدى حدود النقد ويوصل لحد الإهانة والتعدى اللفظي، سواء على شكلي، اوقات وصل أن اتسبيت بالأب وآلام، القاريء بيحط كل ده تحت بند نقد
بواجه النقد ازاي؟
( وَقُولُوا لِلنَّاسِ حُسْناً)، قول ما عندك من انتقاد أو تطاول، وانا كل اللي ممكن ارد بيه عليك هو ( شكرًا جدًا)، حتى لو في نفسي انا موجوع.
٦-هل تحب العمل على كتابة قصة مع احد (عمل مشترك معاه)؟
هو انا جربت اكتب قبل كده عمل مشترك من ثلاث سنوات تقريبًا، رغم إن الموضوع كان صعب، وإنك بتكون متحجم بفكرة أو أسلوب معين، إلا أن الموضوع كان ممتع، وقريب إن شاء الله هبدأ في عمل مشترك.
٧-كم عمل ورقى لديك الى الان؟
كـ روايات كاملة فـ تم نشر عملين ( جدارية الفقدان، متاهة كاوس)
أما كـ قصص قصيرة، فـ شاركت في اكتر من سبع كتب مجمعة، مثال وليس حصر
( الوصول، الزمرد اللامع، مرال٢ ، شفيرة العدم)
وكتب كتير صراحه مش فاكر اسماءها حالياً
٨-ازاى الكاتب يقدر يحسن من اسلوبه فى الكتابة؟
الكاتب قبل أي شيء، لازم يكون قارئ جيد.
هو مهم جزء أنه يكون عنده موهبة وفكر عال وخيال خصب أنه يساعده في إنشاء افكار تكون مُلائمة للبيئه الموجود فيها، وتكون مختلفه عن البقية، لكن القراءة أو التحديث المستمر في المفردات والتشابية والجمل التعبيرية للكاتب هى شئ لا يقل أهمية عن الموهبة.
ويمكن من اكتر المؤلفين أو الكُتاب إللي ممكن تساعد في ده، كتب الرافعي، عباس العقاد، وكتب او قصائد الشعر الجاهلي.
٩-هل هتشارك فى المعرض القادم؟
حاليًا لسه مش متيقن من إن هكون موجود في المعرض ولا لاء، لكن لعل الله يُحدث من بعد ذلك امرًا
١٠-ايه رأيك فى القصص المتواجدة على موقع واتباد؟
مع احترامي للجميع، وإن اللي هقوله ده رأي شخصي بحت، إلا أني أحبذ تطبيق الوتباد بشكل قاطعي.
في المرات النادرة اللي قررت ادخل التطبيق ده لتصفح رواية أو شيء، بقابل روايات وكتابات لا ترقى أبدًا انها تكون عمل أدبي، لا يحمل من الأدب شيء، إلا من رحم ربي.
١١-من كاتب المفضل عندك؟ ايه هو كتابك المفضل؟
كاتب مفضل
موجود في الساحة حاليًا كُتاب كتير كتاباتهم رائعة مثال ( د. حنان لاشين، د.عمرو عبد الحميد، د. بسمة ناجي، د. جهاد جوده).
وفي كمان كُتاب أيضًا لم يُحالفهم الحظ بعد، لكن على يقين أنهم في المستقبل هيكونوا حاجه عظيمة جدًا مثال ( ياسمينا العائب).
كتابي المُفضل:
سلسلة (قواعد چارتين).
١٢-نصيحتك ايه الاشخاص اللى بيحبطوا وبيقرروا يوقفوا كتابة؟
طبيعي الكاتب يجي عليه وقت ويحس أنه خلاص مبقاش قادر يكمل أو بقى عنده نفور من الكتابه، او حس أنه بتعب على الفاضي دون مقابل.
ممكن يفصل لفترة عن الوسط، او حتى يكتفي بس بالقراءة، لكن الكاتب بطبعه غيور، وشغوف دائمًا بالكتابة، فمهما كان احباطه ونفوره هيحس أنه ناقصه شيء كبير طول ما هو بعيد عن الكتابة.
انتهى لقائنا معك كان لقاء ممتع جدا ونتمنى لك المزيد من النجاح.
تعليقات
إرسال تعليق