نجاح فتاة
نجاح فتاه
بقلم زينب علي
عاشقه تركيا
انا ملك حاليا في تالته تجاره عايشه مع ماما وبابا واخويا احمد واختي سوسن
ملك /صحيت من النوم وفطرت وراحت المدرسه
ملك /رحمه *ورحمةاقرب واحده لملك في الدنيا واقرب من اهلها كمان
رحمه /ملك ايه عامله
ملك /بخير وانتي
رحمه /الحمدلله *مالك ياملك فيه حاجه مضايقاكي
ملك /انا بجد تعبت ومش عارفه اعمل ايه
رحمه /ايه فيه مالك
ملك /انا تعبت من المعامله اللي بيعملوهالي بابا وماما مش عارفه يعني ايه الفرق بين البنت والولد
رحمه /خلاص متزعليش نفسك
ومن هنا نفهم اني ابو ملك وامها بيفضلو اخوها اكتر عشان هو ولد وهي بنت
ملك /خلصت مدرستها وروحت
والد ملك /انتي يابنت اتأخرتي ليه كده
ملك /انا متأخرتش يابابا طلعت من المدرسه واديني جيت على طول
والد ملك /يكون يوم عيد لما تخلصي المدرسه دي
ملك /ان شاء الله يابابا اخلص مدرسة واروح الكلية اللي نفسي فيها
والد ملك بزعيق/ايه كليه انتي اتجنيتي كليه ايه انتي تخلصي مدرسه وتاخدي الدبلوم وخلاص
ملك والدموع في عيونها/يابابا انت مخلتنيش اروح ثانوي عشان بعيده عن البيت ودلوقتي مش عايزني اكمل
والد ملك بغضب /يابنت انا قلتها كلمه واحده معندناش بنات تكمل تعليمها البنت ملهاش غير بيت جوزها
ملك /وهي بتعيط دخلت اوضتها
سوسن /يلا ياختي تعالي اتعشي طول النهار وانتي قاعده في الاوضه دي مش عارفه ازاي بتحملي تقعدي وحدك كده
ملك بغضب /مش عايزه اتعشى انا بذاكر
سوسن وهي بتضحك/تذاكري وانتي هتاخدي ايه من المذاكره اهو اديني قاعده في البيت
ملك /انا مش زيك انا هذاكر واحقق حلمي واروح الكلية
سوسن /طيب غوري ياختي بحلمك ده انا هروح اتعشى العشى هو اللي هيفيدني مش الكتاب اللي في ايدك ده
ونزلت سوسن وكل الكلام اللي قالته ملك سوسن قالته لمامتها بالحرف *سوسن قريبه من امها اوي وكل اسرارها مع امها وكمان لو حد قلها سر بتقولو لمامتها وحتى لو سمعت حاجه بتقولها لمامتها وده عكس ملك تماما ملك لو شافت او سمعت حاجه او حتى حد قلها سر مستحيل تقول لحد
والد ملك/اومال فين البت دي ليه منزلتش اتعشت
سوسن/بتذاكر ومش عايزة تتعشى
باباها /مش عايزة تتعشى ايه غوري نادي عليها خليها تنزل
ونادو عليها ونزلت
ملك /نعم يابابا
باباها / يلا تعالي اتعشى
ملك / مش نفسي انا طالعه فوق
باباها بزعيق /بقول اقعدي اتعشي بلا مش عايزه
ملك وهي هتموت من غضبها قعدت تتعشى
احمد /ملك روحي هاتيلي الموبايل بتاعي من فوق عايز اشوف حاجه
ملك/متقوم انت انا باكل
باباها /قومي يابت اخوكي بيقولك قومي يبقى تقومي
ملك جابت الموبايل وقعدت عشان تاكل
احمد/ايه ده الموبايل خالص شحن قومي يا ملك حطيه في الشاحن
ملك/ لسه هتتكلم
باباها /بصلها بغضب
قامت ملك وحطت الموبايل في الشاحن وقالت انا شبعت *راحت ملك اوضتها وهي متعصبه جدا وقعدت تعيط عشان المعامله اللي بيعملوهالها دي
وقعدت ملك تتذكر لما كانت طفله وباباها يلعب ويجيب كل الحاجات الحلوه لا خوها وهي لأ مع ان اخوها اكبر منها بسنه
ملك وهي بتعيط نامت
وعدت ايام وملك مبتعملش حاجه غير من بيتها للمدرسه لمذاكرتها بس
ملك/كان معاها امتحان تاني يوم ومتوتره وخايفه جدا
صحيت من النوم ولبست وراحت المدرسه وقابلت رحمه
رحمه/ايه يا ملك جاهزه للأمتحان
ملك/خايفه ومتوتره جدا يارحمه
رحمه/متخافيش انتي قدها
ملك/و ايه الفايده بابا مش راضي يخليني اكمل
رحمه/متزعليش اللي كاتبه ربنا هيحصل
ملك/ايوه صح عندك حق
ودخلو الامتحان وخلصو وروحت ملك بيتها
وعدت ايام وخلصت ملك امتحانات وجه اليوم اللي هتظهر فيه الشهاده
ملك/ماسكه الموبايل وخايفه ومتوتره جدا
ملك/ااااااااااااااااااه وفضلت تصرخ بصوتها العالي وتتنطط وفرحانه جدا ونازله على السلم ماما ماما وبتنادي على مامتها بصوتها العالي
مامتها وهي مخضوضه /ايه فيه حصل حاجه ولا ايه
ملك/انا نجحت وجبت 97٪
مامتها /بجد الف مبروك خلاص كبرتي وهنفرح بيكي
ملك/تفرحو بيا ايه بقولك نجحت وجبت 97٪
وهما وبيتكلمو باباها دخل
ملك/وهي فرحانه بابا انا نجحت وجبت 97٪
باباها /الف مبروك يلا بقى الحمدلله اخيرا خلصتي مدرسه
ملك/الابتسامه فارقت وجهها يا بابا انا جايبه المجموع ده كله ومش عايزني اكمل واروح الكلية اللي انا عايزاها
باباها بزعيق/هتقولي اكمل تاني انا قولتلك مفيش بنات عندنا بتكمل
ملك وهي بتعيط/طيب وانا زنبي ايه يعني اني انا بنت وانا كمان عايزه اعيش حياتي واكمل تعليم
باباها بصوت عالي/غوري يابت من قدامي بلا اتعيشي حياتك واتكملي تعليمك
ملك/دخلت اوضتها وهي منهاره من البكاء
سوسن/خلاص ياختي متزعليش اهو حتى انا مخلنيش اكمل قومي قومي بكره يجيكي عريس ويستتك
ملك وهي الغضب مالي عيونها/اطلعي بره يا سوسن عايزه اقعد وحدي
سوسن/طيب ياختي الحق عليا اني بنصحك
رحمه اتصلت ب ملك عشان تباركلها ومن موبايل مامتها طبعا عشان مش معاها موبايل
رحمه وهي مبسوطه/الو يا ملك لولولولولولولي الف الف مبروك يا حبيبتي
ملك وهي بتعيط/مبروك ايه هو انا مكتوب ليا الفرح اساسا
رحمه/ليه مالك ايه فيه
ملك /بابا زعقلي وقلي مش هتكملي تعليم
رحمه/طيب يا ملك قولي لأخوكي احمد يقولو هو بيحبو وهيرضى ان شاء الله
ملك/احمد احمد تلاقيه هيموت من الفرح دلوقتي عشان مش هكمل
رحمه/ياعم قوليله مش هتخسري حاجه وبعدين برضه اخوكي ومش هيهون عليه يسيبك بتعيطي كده
ملك/طيب هقوله واشوفو
رحمه/طيب سلام يلا روحي شوفيه
ملك/ماشي سلام
وراحت ملك لاحمد
احمد وهو بيضحك /ايه ده ملك اهلا اهلا مبرووك
ملك/بطل شماته عايزاك في موضوع
احمد/موضوع موضوع ايه ده ان شاء الله
ملك/ ع عايزاك تقنع باباويخليني اكمل تعليمي
احمد/ههههاي اقنعه لا ده مستحيل انتي هبله
ملك/والنبي يا احمد والنبي والله انا ممكن اموت لو فضلت كده وفضلت تعيط وتتحايل عليه عشان يقوله
احمد/طيب بس عندي شرط
ملك بلهفه/اطلب والله لو عايزتي انط من الشباك لانط
احمد/تنطي من الشباك ايه انتي هبله
ملك/طيب يلا اخلص قول بقى
احمد/اخلص
ملك/اتفضل قول يلا
احمد/ هقولك حاجه بس والله لو قولتي لحد ما هتشوفي الكليه شفان حتى
ملك/حاضر والله ما هقول لحد يلا قول
احمد/انا بحب صحبتك رحمه وعايزها تحبني خليها تحبني وانا اقول لبابا
ملك/هااااااااا رحمه انت بتحب رحمه
احمد/ايوه ومن زمان كمان بس هي مش ماخده بالها خالص
ملك/ااااااه يابن ال
احمد/ايه
ملك/لا ولا حاجه* بتحبها بجد ولا ايه يا احمد قول الصراحه عشان رحمه مش بتاعت الكلام ده
احمد/والله بحبها ومن زمان كمان بس هي مش ملاحظه
ملك/طيب وانا اعمل ايه يعني دلوقتي
احمد/تخليها تحبني مليش دعوه و الا تنسي الكليه دي خالص
ملك/ايوه يعني انت اهبل ازاي يعني اخليها تحبك
احمد/يعني تشكري كتييير فيا قدامها وتتكلمي عليا كتيير قدامها فاهمه
ملك في دماغها/ااااه يا اهبل ما هي كمان بتمووت فيك
احمد/ايه روحتي فين
ملك/طيب تمام هحاول بس يلا قول لبابا انا مش هخليها تحبك في يوم وليله يعني
احمد/طيب تمام بس والله لو ماعملتي زي ما قولتلك انتي عارفه بقى هعمل ايه
ملك/عيب عليك انا مش بخذل حد
احمد/طيب ياختي لما نشوف وراحت ملك او ضتها وهي فرحانه عشانها وعشان رحمه كمان
ملك نامت وتاني يوم صحيت بدري ونزلت
مامتها/ايه ده اومال يحسدوكي انهارده صاحيه بدري
ملك/ياربي هو انا اصحى بدري مش نافع مصحاش بردو مش نافع ايه ده
مامتها/طيب تعالي حضري الفطار معاي عشان سوسن لسه مصحيتش
ملك/طيب اهو جايه
وحضرو الفطار والكل صحيو وراحت عشان تفطر وهي وبتفطر عينها متشالتش من على احمد وباباها واحمد كمان عينه متشالتش من عليها
ملك في دماغها/يا ترى احمد قال لبابا ولا لسه
احمد في دماغه/ياكش متكون الهبله دي راحت وقالت لرحمه اني بحبها وكان خايف جدا من ان تكون قلتلها
وفطرو وقامت ملك واحمد
احمد/اوعي تكوني يا ملك قولتي لرحمه اني بحبها
ملك/قولتلها ايه انت اهبل ايه انت قولت لبابا
احمد/لا لسه هقولو شويه
ملك/ طيب اول ماتقولو تاجي تقولي على طول تمام
احمد/طيب لما اشوف اخرك
ملك بغمزه /اخري انت عارفه طبعا
احمد/طيب يلا روحي انا هروح لبابا
ملك/اروح ايه انت اللي تروح انا في اوضتي اساسا
احمد/اااه صح انتي هتجننيني قريب
ملك/هجننك ولا رحمه ماخده عقلك
احمد/ضحك ومشى
سوسن/خدي يا ملك رحمه بتتصل بيكي
ملك بلهفه/رحمه هاتي هاتي
سوسن/ومالك كده عامله زي اللي غرقانه
ملك/يلا روحي يا سوسن شكرا
سوسن/طيب ياختي
ملك/الو يارحمه
رحمه/ايه يلا قولي بسرعه قولتي لاحمد
ملك/ااه قولتله وهيقول لبابا
رحمه/ايه ده بالسهوله دي ازاي يعني
ملك/لا طبعا اتحايلت عليه شويه وعيطت ووافق
ملك في دماغها /ياهبله ده في خبر ليكي هيخليكي تتنططي من الفرحه بس سامحيني بقى مش هقولك و هعملهولك مفاجأه احسن
رحمه/ايه يا بنتي فين روحي
ملك/اهو معاكي اهو ااه صح يارحمه الف مبروك معلش نسيت امبارح اقولك من اللي حصل
رحمه/الله يبارك فيكي يا حببتي انتي هبله انا هزعل منك يعني
ملك/انتي جبتي كام
رحمه/95٪
ملك/الحمدلله لو بابا وافق هنروح انا وانتي نفس الكليه مع بعض
رحمه/ااه بقى ان شاء الله يوافق
ملك/ان شاء الله
عدى وقت وهما بيتكلمو مع بعض واحمد دخل
احمد/ دخل الاوضه بسرعه ملك
ملك/ايه ده خبط يا احمد قبل ما تدخل
احمد/ايه انتي بتكلمي مين
ملك/وهي مبتسمه وبتغمز رحمه
احمد/رحمه هاتي هاتي اباركلها على النجاح
ملك/خدي احمد يارحمه
رحمه وهي متلغبطه /اه اه احمد
ملك/ايوه احمد
احمد/الو يا رحمه ازيك
رحمه/اهلا يا احمد
احمد/الف الف مبروك على النجاح
رحمه/وهي مبسوطه الله يبارك فيك يا احمد شكرا
احمد/لسه هيتكلم
ملك/انتو هتحبو هات الموبايل ده ايه قول قولت لبابا سلام دلوقتي يارحمه وفصلت في السكه
رحمه/آه الو اااه ياندله بعتيني اول ما شوفتي اخوكي بس بردو انا مش مصدقه احمد كلمني وهي مبسوطه وفرحانه
ملك/ايه يا احمد رد قولتله ولا ايه
احمد/بصي انا عملت اللي عليا بس
ملك والدموع في عيونها/بس بابا موافقش صح انا عارفه انا عارفه من الاول اني مش هيرضى
احمد بصوت عالي/بابا وافق يا ملك بابا وافق
ملك وهي بتصرخ/بابا وافق ازاي وفضلت تتنطط من الفرحه وحضنت احمد ودي اول مره احمد وملك يكونو مبسوطين لبعض زي الاخوات الحقيقه
احمد/يلا دورك بقى توفي بوعدك
ملك/حاضر والله لاعمل اللي انت عايزه يا قمر انت
احمد/ايه ده انتي هتعاكسيني وانا واقف
ملك/ضحكت وقالت يلا روح هتصل برحمه واقولها
احمد/ايه رحمه لا انا مش رايح
ملك/يابني خليك تقيل شويه
احمد/يلا بقول اتصلي بيها
ملك/طيب واتصلت برحمه
رحمه/ايه يابنتي ليه قفلتي
ملك وهي بتصرخ/ بابا وافق يارحمه
رحمه/ايه ده بجد انا عارفه ان احمد هيخليه يوافق الحمدلله سمعتي كلامي وقولتيلو بقى اخوكي ده عسل
ملك/اسكتي يا متخلفه
وهنا بقى احمد كان سامع كل الكلام اللي قالته رحمه واتصدم
احمد/ايه ده رحمه اللي قالتلك تقوليلي
ملك/امممممم
رحمه/ايه ده ده صوت احمد صح
ملك/ امممممم
رحمه كانت هتموت من خجلها وفصلت السكه
احمد/ وهو بيضحك هي قالت عليا عسل صح
ملك/ياخي حرام عليك قولتلك امشي اهو فصلت اهو
احمد/خلاص اهو ماشي اهو وفضل يضحك
وعدت ايام وجه اليوم اللي ملك ورحمه هيروحو فيه الكليه
احمد/ ايه يلا يا ملك جاهزه
ملك/ ليه هو انت رايح معايا ولا ايه
احمد/ايوه هروح اوصلك عشان دي اول مره ومتعرفيش فين السكن بتاعك مش انا اللي حجزتهولك يا هبله
ملك/اه اه صح و ايه الشياكه دي كلها وايه يابني انت كابب إزازة البرفان عليك ولا ايه
احمد/لا كن ايه رأيك في التيشيرت ده
ملك/حلو اوي
احمد/ايه هنعدي على رحمه ولا ايه
ملك/وانا اقول ايه الشياكه والنشاط ده كله من الصبح دي رحمه في الموضوع بقى
احمد وهو بيضحك/طيب يلا ياختي هنتأخر
ونزلو وسلمو على مامتهم وباباهم وسوسن ومشيو
وراحو محطة القطر وشافو رحمه
رحمه/حضنت ملك وسلمو على بعض وهما فرحانين جدا
احمد/واقف وعينه على رحمه منزلتش
ملك/احم احم
احمد/اه ازيك يارحمه وسلم عليها وركبو القطر
رحمه/ياجزمه مقولتيش ليه احمد جاي معانا كنت لبست حاجه اشيك من ده
ملك/بت لمي نفسك واتعدلي انا مكنتش اعرف واتفاجأت زيك كده
ووصلو السكن ورحمه وملك سلمو على احمد ومشى
وتاني يوم راحو الكليه بتاعتهم
ملك/يااااااااااه كلية التجاره انا مش مصدقه نفسي
رحمه/ولا انا كمان والله
ودخلو الكليه وحضرو اول محاضره ليهم واتعرفو على صحاب جديده وخلصو وراحو السكن
ملك/انا تعبانه اوى
رحمه/اااه وانا كمان
ملك/يلا طيب عشان ناكل انا جعانه اوى
رحمه/يلا
وكلو ونامو وتاني يوم راحو الكليه وفي المحاضره ملك كانت متفوقه جدا وطول الوقت وهي تجاوب مع الدكتور و الدكتور فرح بيها جدا عشان متفوقه كده
وعدت ايام وخلصو سنه اولى وملك كل مالها وهي بتتفوق اكتر وبتتشهر وعدت سنه تانيه ودخلت سنه تالته وملك بقيت متفوقه اكتر ومشهوره اكتر
ودخلت سنه رابعه ودخلت في مشروع كبير في الكليه واللي هيفوز في المشروع ده ليه جائزه وطبعا كالعاده ملك هي اللي فازت
الدكتور/الف الف مبروك يا ملك
ملك/الله يبارك فيك يا دكتور
الدكتور/خدي يا ملك بقى هديتك
ملك/ايه ده يا دكتور
الدكتور/ده كارت شركه كبيره وصاحب الشركه يبقى صاحبي وانتي تستحقي ده يا ملك
ملك/شكرا يا دكتور بس انا مبحبش الوسايط
الدكتور/دي مش واسطه ياملك ده مجهودك وانتي تستحقي ده وانا عارف انك هترفعي راسي وبعدين المسابقه دي عملاها الشركه وانتي متعرفيش وانتي اللي فوزتي طبعا
ملك/بجد شكرا يا دكتور تسلم
رحمه/الف مبرووك ياحبيبتي
ملك/الله يبارك فيكي والله انا بجد مش مصدقه
رحمه/ خلاص بقى فاضل على الحلم تكه
ملك/ايوه صح والله انا مش عارفه اقول ايه الحمدلله يارب
وعدت ايام وجه اليوم اللي هيتخرجو فيه وملك ورحمه كانو مبسوطين جدا وفي وسط الحفله احمد اعترف بحبه لرحمه
رحمه اتصدمت ومش عارفه تقول ايه كانت هتجن من الصدمه والفرحه كمان وبصت لاحمد وجريت
احمد/مالها الهبله دي
ملك وهي بتضحك/البت اتصدمت عايزها تعمل ايه يعني
احمد وهو بيضحك/يالهوي انا بحب واحده مجنونه
وعدت ايام واحمد اتقدم لرحمه ووافقت طبعا واتخطبو وملك قدمت في الشركه واتقبلت
ملك اشتغلت في الشركه وكانت شاطره جدا في شغلها واتشهرت في الشركه كلها في وقت قصير واترقت كمان وكانت مبسوطه جدا عشان اخيرا حققت حلمها اللي كانت بتحلم بيه من سنين
بقلم زينب علي
عاشقه تركيا
تعليقات
إرسال تعليق