قلبي وانا في صالة الانتظار؟!

*قلبي وأنا في صاله الإنتظار؟!*   

                           

*إشعار /ولاء عبدالوهاب شمروخ*

*قلبى وأنا فى صاله الإنتظار!*        *منتظرين منك حبيبتي القرار،*

*وممكن قرارك يسبب لقلبى انتحار؛*

*بلاش البعد والعند والإصرار،*

*قلبى وأنا فى صاله الإنتظار!*

*بتقولى على قلبى خدعك!*

*طب بشويش كده وعلى مهلك،*

*قلبى كان عاملك جزيرته،*

*وكان اسمك جواه حبيبته،*

*زي الفراعنه نقشه،*

*على الارضيه، وعلى الجدار،*

*قلبى وأنا فى صاله الانتظار!*

*قلبى اللى كان بيرقص بيكى،*

*وفاتح كل أبوابه ليكى،*

*وكان عاشق لنظرة عنيكى،*

*بينطق ويهمس ويناجيكى،*

*وكان ليك خزنه الأسرار،*

*قلبي وأنا فى صاله الإنتظار!*

*مين فينا اللى باع؟!*

*ومين طلع خداع؟!*

*مين اللى رسم الحلم على ورقة شجر؟!*

*فى ليله عتمه مفهاش قمر،*

*وكتبتى بدل اسمى بالغلط عمااااار،*

*قلبى وأنا في صاله الإنتظار!*

*وكأن قلبى كتب نهايته بأيديه،*

*أو يمكن حبه ليك كان عاميه!*

*عرفتى بقى مين فينا اللى جاااحد؟!*

*مين اللى كان حبه من طرف واحد؟!*

 *ومين فينا الضحيه ومين الجزار؟!*

*قلبى وأنا فى صاله الإنتظار!.*