حوارمع إيمان رجب "رومانتيكا"
كتبت هدير محمد:
أن للكتابة أثرٌ عظيمٍ في حياتنا؛ فهي محاولة إخراج كل ما بداخلنا من طاقةٍ، وحب، ومشاعر حقيقية وصادقة؛ فالصدق الحقيقي للكاتب هو صدقه مع القلم.
في بداية الحوار أود معرفة بعض المعلوماتك الشخصية
الإسم:- إيمان رجب "رومانتيكا"
السن:- 20
المحافظة:- المنيا
السنة الدراسية :-...
ممكن تحدثنا عن نفسك في بضعة سطور؟
أنا إيمان رجب ولقبي رومانتيكا، الكتابة موهبة عندي من بدري جدًا، مش فاكرة السنة بالظبط بس دايمًا كنت بكتب الحاجات الخاصة بيا، لحد ما دخلت الوسط عن طريق صديقة ليا، فالأول دخلت كيانين كنت بنشر فيهم بعدين محبتش فكرة إني أنشر في كيانات، وخرجت منهم من غير ما أكمل، بس كملت كـمدققة؛ لإني حبيت التدقيق جدًا واتعلمته، وخت كورس فيه وبقيت مدققة، عندي مواهب كتير غير الكتابة، وبحاول إني أنميها، أما بالنسبة للكتابة فَـبنشر في رومات حرة.
ممكن تخبرنا بدأت كتابة من أمتى؟
من حوالي أربع سنين.
من الداعم لك ف بداية المجال؟
أنا، أنا الداعم لنفسي.
هل لديك أعمال ورقية أو الكترونية؟
دراكونية أفلاطوني، ما لن يُرسل.
وده بسبب إني مش بحب الكتب المجمعة، ومش بعترف بيها كاتحقيق حاجة؛ لأنه فالأول وفالأخر في أسماء كتير معايا في الكتاب، يبقى فين نجاحي أنا؟
أو فين إنجازي اللي عملته ويخصني أنا؟
بس دول اشتركت فيهم لأجل أصدقائي بس مش أكتر.
من رأيك الكاتب المثالي أو الناجح أيه أكتر شيء بيتصف بيه؟
الخبرة في المجال، والثقة في النفس، وإنه يسمع الانتقاد الايجابي ليه ويحاول يصلح الأخطاء اللي عنده، والانتقاد السلبي يشجعه أنه يكمل؛ علشان يوري كل شخص كان بيحبطه هو قدر يوصل لأي، وأخيرًا وليس آخرًا أنه يكمل مسيرته للآخر وميقفش لأي سبب.
أي شخص في بداية حياته أو مشواره بيقابل صعوبات فهل واجهتك صعوبات في المجال؟ وكيف تخطيتها؟
مفيش صعوبات، بس في إحباط كتير من أشخاص حواليا، بس بالنسبالي مش صعوبات؛ لإني بتحداهم وأتحد نفسي إني هعمل اللي أنا عيزاه وهوصله، مش بسمع لحد وبحاول أركز في اللي اناا عيزاه.
مين أكتر الشخصيات إللي قابلتك ف مجال الكتابه وأثرت فيك ككاتب؟
في كتير بس مش حابة أذكر أسماء.
حدثنا عن إنجازاتك داخل وخارج المجال؟
أنا لحد دلوقتي مش بعترف بأي إنجاز حققته؛ لأني لسه موصلتش للي أنا عايزة أوصله.
من وجهة نظرك ككاتب هل الكتابة هوايه او موهبه؟
موهبة وهواية، بس بنسبة 75 في المية موهبة.
هل من الممكن أي شخص يكتب عادي؟
أي شخص ينفع إنه يقرأ عادي، لكن مش أي شخص ينفع يكتب نهائي؛ لأن دي حاجة محتاجة مجهود كبير بالنسبة للتفكير وللتطوير من النفس بشكل مستمر.
كل شخص لديه مثل أعلى في الحياة يتأخذه قدوة، فمن مثلك الأعلى؟
الرسول ﷺ، هو الشخص الوحيد اللي بعتبره مثلي الأعلى، وباخده قدوة بالنسبالي في كل حاجة.
هل لديك مواهب أخرى؟
ديزاين، تدقيق، رسم، غنى، إلقاء.
وبحاول أنميهم وأطور نفسي فيهم أكتر.
حدثنا عن تخطيطك للمستقبل في مجال الكتابه؟
إني أعمل كتاب فردي ويحقق نجاح كبير في كل حتة، جوا مصر وبرا مصر، وإن شاء الله هفضل وراه لحد ما أعمله.
لكل شخص منا حلم يريد أن يصل له فما هو حلمك؟
حلمي إني أنجح في أي حاجة بحبها، أو أي مجال أدخل فيه حتى لو بعيد عن الكتابة، دلوقتي أنا موجودة في مكان كان نفسي أكون فيه من زمان، ومصممة إني أنجح فيه وأكمل للأخر، وهعمل كدا بإذن الله، بس مش هقول أي المكان ده دلوقتي، غير لما أوصل للي أنا عيزاه، ووقتها هتقولوا إني قولت الكلام ده، وإن شاء الله يبقى في حوار تاني ووقتها أكتب أي هي نجاحاتي فيه.
نصيحة لكل شخص يريد أن يسلك مجال الكتابة؟
أهم حاجة أنك تكون بتحب الحاجة دي قبل ما تدخل فيها؛ لأنك لو مش بتحبها مش هتهتم بيها ولا هتعملها باتقان، وحب، وتصميم، ولو أنت فعلًا بتحبها كمل للآخر، وخليك عارف أنت عايز أي، وفي إيدك تحقق اللي أنت عايزه بسعيك واجتهادك، وبالتوفيق للجميع إن شاء الله.
ممكن شيء من كتاباتك؟
ونعيشُ في دنيا ليست لنا، ونحارب من أجلِ شيءٍ لغيرنا، ونعيشُ أشياءً ليست حلمنا، ونسارع على شيءٍ ليس نصيبنا، وننتظر أملًا يرويننا، وبعد كل ذلك نخفي حُزننا.
*لِـ رومانتيكا*
وجه كلمة للجريدة؟
تشرفت بحواري في الجريدة جدًا، وبتمنالكوا التوفيق في الجاي إن شاء الله.
كلمه أخيرة نختم بيها الحوار؟
مَن يريد أن يصل، سيصل بكل تأكيد، ولكن بحبه لمجاله، واهتمامه لحلمه، وسعيه للوصول، وبإرادته لتكملة مسيرته.
في نهاية الحوار سعدنا بلقائك ونتمنى لكي التوفيق والتقدم
تعليقات
إرسال تعليق