حوار مع/مصطفى أبو حبيبه

كتبت نهي محمد

يسعدنا أن نستضيف اليوم في جريدة نور  موهبه مش عاديه حاجه كده مختلفه حلقه غير اي حلقه نموذج فريد في عالم الرياضه أيقونه متميزه في عالم الدفاع عن النفس ما ان تسمع اسمه حتي تفتخر به لانه يحاول أن يصنع لنفسه تاريخا مشرفا في عالم الرياضه تعالو معنا نعرفكم علي أصغر بطل في لعبة الجوجيستو 

مصطفي أبو حبيبة ابن قرية مليج 

1 عرفنا بيك يا بطل

 مصطفى احمد ابراهيم ابو حبيبه

عندي 11 سنه

2 مين قدوتك يا مصطفي ؟

 

قدوتي كابتن احمد عبد الباسط

3 ايه اللعبه اللي انت بتلعبها ؟ 

اللعبه اللي بلعبها الجوجيتسو ومصارعه السامبو المفتوحه

4 ليه اخترت اللعبه دي بالتحديد ؟ 

اخترتها عشان ادافع عن نفسي وتعطيني الثقه في نفسي وانا بحب الرياضه

5 طب ايه اللي انت استفدته من اللعبه دي ؟ 

استفدت منها اني اكون انسان رياضي وأشرف اهلي وبلدي والكابتن بتاعي

6 مين اللي بيشجعك يا مصطفي ؟ 

اللي بيشجعني والدي وامي والكابتن احمد عبد الباسط

7 مش خايف اللعبه دي تأثر علي دراستك ؟ 

اللعبه دي بالعكس خلتي اهتم بالتعليم اكتر

8 طب قول لجمهورك البطولات اللي انت حصلت عليها ؟ 

البطولات اللي انا حصلت عليها  1 المركز الاول في بطوله الابطال للجوجيتسو /المركز الثاني بطوله كاس مصر المفتوحه للجوجيتسو/المركز الاول في بطوله الدلتا للجوجيتسو/المركز الاول في بطوله مصر المفتوحه السامبو/المركز الاول في بطوله البحر المتوسط للسامبو / المركز الاول في بطوله الجمهوريه للسامبو/الحصول على الحزام  الاصفر للجوجيتسو

9 شايف نفسك فين بعدين ؟ 

شايف نفسي ان شاء الله ربنا يوفقني واحصل علي بطوله العالم وأشرف بلدي واهلي ومدربي.